Korab Rrmoku
Bio
Dr. Sc. Korab Rrmoku është Profesor asistent në Universitetin e Prishtinës në lëndët e programit të Shkencës Kompjuterike, në departamentin e Matematikës, Fakulteti i Shkencave Matematike-Natyrore.
Interesi dhe kontributi shkencor është i fokusuar në fushat e Analizës së rrjeteve sociale (Social Network Analysis), sistemeve rekomanduese (Recommender Systems) dhe prejardhjes së të dhënave (Data Provenance), të cilat ndërlidhen ngushtë me fushën e Machine Learning dhe Data Science.
Dr. Rrmoku filloi karrierën e tij akademike në vitin 2013 në Fakultetin e Inxhinierisë Elektrike dhe Kompjuterike (FIEK) në Universitetin e Prishtinës, ku shërbeu si asistent universitar. Prej vitit 2018, ai vazhdon të kontribuojë në Fakultetin e Shkencave Matematike-Natyrore (FSHMN) në Universitetin e Prishtinës.
Në industrinë e ICT-së, ai ka përvojë të gjerë në punën me klientë ndërkombëtarë, veçanërisht në fushat e automatizimit dhe rrjetave kompjuterike.